Ardıcıl iki qələbə qazanan Hüseyn Vəfayi dördüncü dəfə snooker üzrə dünya çempionatına vəsiqə qazanmağa nail olub.
Turnirin əsas mərhələsinə vəsiqə qazanmaq və Crucible Hall-da iştirak etmək üçün 2025-ci il Aprelin 7-dən 16-dək İngiltərənin Şeffild şəhərində Halo 2025 Snooker üzrə Dünya Çempionatının ilkin mərhələsi keçirilib. Hüseyn Vəfayi dördüncü dəfə final mərhələsinə vəsiqə qazanıb.
İranın snooker təmsilçisi Hüseyn Vəfayi yarışa üçüncü mərhələdən çıxıb və ilk olaraq bazar ertəsi, Aprelin 14-də uelsli Duayn Cons ilə qarşılaşıb və rəqibini 10-7 hesabı ilə məğlub edərək, ilkin mərhələnin final mərhələsinə vəsiqə qazanıb.
İlkin mərhələnin son oyununda Vəfayi çərşənbə günü, Aprelin 16-də çinli Vanq Yuqini 10-4 hesabı ilə məğlub edərək, ardıcıl dördüncü dəfə snooker üzrə dünya çempionatına vəsiqə qazanıb.
Halo 2025 Peşəkar Snooker üzrə Dünya Çempionatının əsas mərhələsi 2025-ci il Aprelin 19-dan Mayın 5-dək 17 gün ərzində İngiltərənin Şeffild şəhərindəki möhtəşəm Crucible Hallda keçiriləcək. Turnir ilk dəfə 1927-ci ildə keçirilib. Ümumi pul mükafatı 2 milyon 395 min ingilis funt sterlinqi, çempionun payı 500 min, ikincinin payı isə 200 min funt-sterlinqdir.
İngiltərəli snooker Kayren Uilson bu yarışların 2024-cü il çempionu və titul müdafiəçisidir.