Dənizbazalı raket sistemlərinin inkişafı və gücləndirilməsi yüksək hərəkət qabiliyyətinə, gizli imkanlarına və strateji dəniz ərazilərində olma imkanlarına görə hərbi hesablamalarda həlledici rol oynayır.
İran İslam Respublikası son illərdə, xüsusilə raket və pilotsuz uçuş aparatları sahəsində müdafiə qabiliyyətlərini inkişaf və gücləndirməklə, regional və beynəlxalq səviyyədə strateji mövqeyini yüksəltməyə müvəffəq olub.
Bu çərçivədə dənizbazalı raket sistemlərinin inkişafı və gücləndirilməsi xüsusi əhəmiyyət kəsb edir. Bu cür raketlər müxtəlif dəniz platformalarından – məsələn, hərbi gəmilər və digər üzən vasitələrdən – buraxılmaqla, yüksək hərəkət qabiliyyəti, gizlənmə imkanları və strateji dəniz bölgələrində mövcudluq sayəsində hərbi balansda həlledici rol oynayırlar.
İran İslam Respublikasının silahlı qüvvələrinin dənizdən buraxıla bilən qanadlı və ballistik raketləri uzaq məsafələrdə yerləşən quru və ya dəniz hədəflərini yüksək dəqiqliklə vurmaq qabiliyyətinə malikdir. Bu da ölkənin müdafiə dərinliyini və hücum gücünü artıran əsas amillərdən biridir.
İkili imkanlara malik “qanadlı Nəsr raketi”
“Nəsr” qanadlı raketi İran İslam Respublikası Müdafiə Nazirliyi tərəfindən istehsal edilən raketlərdəndir və ilk dəfə “Vəhdət 87” hərbi təlimində təqdim olunaraq hədəflərə atəş açılmışdır. Bu raket həm dənizbazalı, həm də havabazalı versiyalarda dizayn və istehsal edilib.
Raketin çəkisi təxminən 350 kiloqram, uzunluğu təxminən 3.5 metr, diametri isə təxminən 0.28 metrdir. 150 kiloqramlıq döyüş başlığı ilə təchiz olunmuş bu raket, təxminən 25 kilometrlik mənzildə və təxminən bir max (səs sürətinə yaxın) sürətlə hərəkət edərək, İran İslam Respublikasının ərazi sularına daxil olan müxtəlif növ düşmən gəmilərinin gövdəsində ölümcül partlayışlar yarada bilir.
Yarı-ağır zirehli hədəfləri məhv etmək və onların gövdəsinə nüfuz etmək qabiliyyəti, televizion və radarla idarəolunma imkanı, həmçinin sahil müdafiəsinin müxtəlif təbəqələrində istifadə oluna bilməsi bu raketin digər önəmli xüsusiyyətlərindəndir.
Aşağı hündürlükdə uçuş imkanına malik “qanadlı Nur raketi”
“Nur” qanadlı raketi İranın müdafiə sənayesində istehsal edilən raketlərdən biri olub, həm dənizbazalı, həm də hava bazalı istifadəyə malikdir. Bu raketin uzunluğu 6.38 metr, diametri isə 36 santimetrdir. Raket turbojet mühərriklə işləyir və maye yanacaqla təchiz olunub. Onun əməliyyat məsafəsi 120 kilometrə qədərdir.
Raketin ümumi çəkisi təxminən 715 kiloqram olaraq qiymətləndirilir və bunun 175 kiloqramı yarı-zirehli nüfuzetmə qabiliyyətinə malik döyüş başlığına aiddir.
Bu raketin digər xüsusiyyətlərinə aşkarlanmamaq üçün aşağı hündürlükdə uçmaq, kiçik əks etdirici radarla təchiz etmək və güclü tıxaclara qarşı imkanlara malik bələdçilik sistemi daxildir.
Gəmi əleyhinə inkişaf etmiş raketdi “qanadlı Qədir raketi”
“Qadir” qanadlı raketi ilk dəfə 2015-ci ilin Dekabrında Müdafiə Nazirliyinin təşkil etdiyi mərasimdə Hərbi Dəniz Qüvvələrinə təhvil verilib. Bu raket düşmənin dəniz hədəflərini 300 kilometr məsafədə vura bilir.
“Qədir” qanadlı raketi sürətli hazırlıq imkanlarına, aşağı uçuş hündürlüyünə, elektron döyüş qabiliyyətinə və yüksək naviqasiya dəqiqliyinə malik qabaqcıl və müasir gəmi əleyhinə raketlərdən hesab edilən təkmil raketdir.
İranın digər qanadlı raketləri kimi, “Qədir” qanadlı raketi də sahil və dəniz buraxılış sistemlərindən, eləcə də müxtəlif gəmi və helikopterlərdən atılma qabiliyyətinə malikdir ki, bu da, silahlı qüvvələrin hərbi-dəniz bölmələrinin əməliyyat məsafəsini və çevikliyini artırır.
Dağıdıcı əməliyyatlara qadir olan “qanadlı Nəsir raketi”
100 kilometrdən çox uçuş məsafəsinə malik olan “Nəsir” qanadlı raketi dağıdıcı əməliyyatlar sahəsində çox yüksək qabiliyyətə malik tam intellektual raketdir. Bu raket müxtəlif konstruktiv və vahid birləşmələrdə raket buraxılış qurğularında quraşdırılır.
Fars körfəzi – 650 kq döyüş başlığına malik raket
“Fars körfəzi” bir pilləli, bərk yanacaqla işləyən, səsdən sürətli gəmi əleyhinə ballistik raketdir və 300 kilometr məsafəni qət edə bilir. O, yönləndirmə sistemlərinin kombinasiyasından istifadə edən 650 kiloqramlıq döyüş başlığı ilə təchiz olunub. Onun axtarışçısı son mərhələdə hədəfə bağlanır və belə olduğu təqdirdə, hər hansı bir düşmən gəmisi raketlə vurulmaqdan xilas ola bilməyəcək.
