5 il davamlı səylərdən sonra kosmik əlaqələrin və “Əşyaların İnterneti”nin inkişafı məqsədi ilə İranın “Hud-hud” və “Kövsər” peykləri uğurla kosmosa göndərilib.
Xarici KİV-in verdiyi məlumata görə, dünən (5 Noyabr) səhər saatlarına yaxın Hud-hud” və “Kövsər”peykləri Rusiyanın kosmik bazasından Soyuz buraxılış qurğusu vasitəsilə Yer orbitinə göndərilib. Bu peyklərin bütün dizayn, istehsal və buraxılış mərhələləri özəl sektor və Elm Təməlli Omid Fəza Şirkəti tərəfindən həyata keçirilib. Bu layihə özəl sektorun bu sənayeyə daxil olması və kosmik iqtisadiyyatın ciddi inkişafı üçün mühüm addımdır.
Hud-Hud və Kövsər peyklərinin göstəriciləri
30 kq çəkisi və 6 kadr sürəti olan Kövsər peyki kənd təsərrüfatı sahələrinin xəritələşdirilməsi və monitorinqi üçün öz missiyasına başlayacaq. Omid Fəza şirkətinin ilk məhsulu olan bu peyk kub peyklərinin standartına uyğundur və onun NIR və RGB spektrlərində orta ölçüsü 4.5 metr olan kameraları var.
Hud-Hud peyki də təxminən 4 kq çəkidə və kub standart formasında hazırlanıb. O, Əşyaların İnterneti platforması kimi kənd təsərrüfatı, nəqliyyat və ətraf mühit sahələrində xidmət göstərəcək. Hud-Hud dar zolaqlı “Əşyaların İnterneti” texnologiyası ilə təchiz edilib və o, İranın rəqəmsal iqtisadiyyatının müxtəlif sahələrində mühüm rol oynaya bilər.
Bu müvəffəqiyyət beynəlxalq məhdudiyyətlərə baxmayaraq, İranın elm təməlli şirkətlərinin qabaqcıl kosmik texnologiyalar sahəsində rəqabət aparmağa qadir olduğunu göstərir.