Albaniyada keçirilən Dünya Reytinq yarışlarında İranı təmsil edən iki sərbəst güləşçi qızıl medal əldə edib.
Albaniyanın ev sahibliyi ilə keçirilən Dünya Reytinq yarışlarının davamında İranın 3 təmsilçisi finalda və bir təmsilçisi isə təsnifat mərhələsində öz rəqibləri ilə üz-üzə gəliblər.
57 kq çəkidə yarışan Əli Mömini və Hadi Rzayi birinci dövrədə bir-biri ilə üzləşib və Mömini 7-3 hesabı ilə qələbə qazanıb. O, dörddə bir final mərhələsində Qazaxıstandan olan Meri Bazarbayevi 4-1 hesabı ilə məğlub edib və yarım final mərhələsinə yollanıb. O, bu mərhələdə Qırğızıstandan olan Azmat Samanbekov üzərində 6-2 hesablı qələbə əldə edərək finala vəsiqə qazanıb. Mömini finalda tacikistanlı Ayal Belolyubski ilə qarşılaşıb və onu da 5-2 və texniki zərbə ilə məğlub edərək qızıl medala sahib olub.
65 kq-da yarışan Rəhman Əmuzad birinci dövrədə qazaxıstanlı Nursultan Sadiki 7-0 və ikinci dövrədə isə gürcüstanlı Qudarzi Dzhabisaşvilini 13-0 hesabı ilə məğlub edib. Əmuzad dörddə bir final mərhələsində Yaponiyadan olan Kaji Ogino üzərində 4-0 hesablı qələbə əldə edib, yarım finala çıxıb. O, bu mərhələdə amerikalı Rayli Vudsa 11-2 hesabı ilə qalib gələrək final görüşünə yollanıb. Əmuzad final görüşündə Qırğızıstandan olan Jumaşbek Olu ilə qarşı-qarşıya gəlib. Əmuzad bu rəqibi üzərində də 5-1 hesablı üstünlük əldə edərək qızıl medal qazanıb.
74 kq-da yarışlara qatılan Yunis İmami birinci mərhələdə istirahətdən sonra ikinci dövrədə Çindən olan Tao Şeni 10-0 hesabı ilə məğlub edib. O, dörddə bir finalda gürcüstanlı Otari Baquri üzərində 10-2 hesabı ilə qələbə qazanıb və yarım final mərhələsinə çıxıb. İmami bu mərhələdə Olimpiya Oyunları mükafatçısı albaniyalı Çerman Valeyevə 8-3 hesabı ilə mğəlub olub və təsnifat görüşünə yollanıb. O, bu mərhələdə Qırğızıstandan olan Oruzbek Toktomabtov ilə görüşüb və 6-1 hesablı üstünlük əldə edərək bürünc medal qazanıb.