Elm təməlli bir şirkət 50 faiz valyuta qənaəti ilə NC tipli koronar balon kateter istehsal edib.
Prezidentin Elmi, Texnoloji və Bilik İqtisadiyyatı üzrə Müavinliyinin Kommunikasiya və İnformasiya Mərkəzinə istinadən verilən xəbərə görə, xüsusi tibbi avadanlıqların istehsalı və texnologiyasının yerli imkanlarla təmin olunması məqsədilə fəaliyyət göstərən elm təməlli bir şirkət NC tipli koronar balon kateter istehsal etməyə müvəffəq olub.
Bu məhsul koronar angiyoplastika əməliyyatı zamanı damar tıxanıklığının açılması üçün istifadə edilir. Hər il ölkəyə 450 min ədəd müxtəlif balon idxal olunur ki, bunun 30 min ədədi məhz NC tipinə aiddir.
Bu istehsal-ticarət şirkəti yüksək keyfiyyətli texnoloji məhsullar və tibbi avadanlıqların istehsalına fokuslanaraq, təkcə daxili tələbatı ödəməyi deyil, həm də valyuta gəlirlərinin artırılmasını hədəfləyir. Bu çərçivədə bilik əsaslı məhsul kimi NC tipli koronar balon kateterin istehsalı prioritetə çevrilib.
Bu balonların əsas xüsusiyyəti yüksək təzyiqə qarşı formanın dəyişməsinə müqavimət göstərməsidir ki, bu da həkimlərə damar tıxanıklığını daha dəqiq şəkildə açmağa imkan verir. Bu vasitə damar daralmasının açılması üçün yüksək təzyiq tələb olunan hallarda və stent yerləşdirildikdən sonra onu daha da genişləndirmək məqsədilə istifadə edilir.
Şirkət rəsmilərinin sözlərinə görə, son bir il ərzində idxal olunan xammallar istehsal xətti personalının təlimi, təhlükəsizlik və funksional testlərin, həmçinin xəstəxanalarda heyvan üzərində aparılan sınaqların keçirilməsi üçün istifadə edilib.
Bu bilik əsaslı məhsulun istehsalı daxili tələbatı ödəməklə yanaşı, bu məhsulun idxalı üçün xərclənən valyutanın 50 faizədək ölkədən çıxmasının qarşısını ala bilər.